Mund të kemi objektiva frymëzues, mund të përgatisim planet më të mira, të kemi burimet e duhura, por të gjitha do të jenë të pavlefshme nëse bindjet, qëndrimet apo zakonet, janë të gabuara.

Pengesat më të mëdha janë në mendjen tonë dhe jo në mungesën e burimeve. Janë pikërisht strukturat e vjetra të mendimit dhe të veprimit, të cilat e pengojnë kapërcimin drejt niveleve më të larta.

Brenda çdo qenie njerëzore ka një forcë të pashterrshme, forcë e cila nëse aktivizohet mund të shndërrojë në realitet çdo vizion, ëndërr apo dëshirë të imagjinueshme. Nëse besojmë në një vizion dhe nëse arsyet pse kërkojmë ta arrijmë atë janë të forta, atëherë rrugët gjenden.

Çfarë jemi dhe ku kemi arritur, lidhen ngushtë me bindjet dhe zakonet tona. Sukseset dhe dështimet janë rezultat i zakoneve tona. Kalimi në një nivel më të lartë fillon me ndryshimin e sistemit të bindjeve dhe me ngritjen e standadteve. Me një sistem bindjesh fuqizuese ne mund të arrijmë praktikisht çdo gjë, duke patur më shumë arritje, gëzim dhe përmbushje, në jetën tonë dhe të atyre që na rrethojnë.